Navenda Nûçeyan- Serok Barzanî di peyama xwe de nivîsîye: “Di derbarê rewşa sîyasî ya Iraqê û nerazîbûn û xwepêşandana hemwelatîyan de, em gelek dilgiran in ji bo vê rewşa ku hatîye pêş û bi raya me ewê ku niha li holê rû daye, ne ya îro ye belkû encam û komkerên şaşîyên panzdeh salan e. Xelk êş û janeke zêde kişandîye û hemwelatî mafê xwe ye daxwaza xwe hebe û nerazî be. Ji bo wê yekê pêwîst e guh bidin daxwazîyên xelkê û bi tundûtûjî û xwînrêhtinê kêşe çareser nabin.”
Ragihand jî: “Ligel wê de jî yek ji giriftên mezin ên Iraqê bicîhnekirina destûrê ye. Heger destûr wekî xwe hatibûya bicîhkirin, gelek ji wan kêşeyan nedibûn, ku berê û niha jî hene. Ji alîyeke din ve sedema hûrîya rewşa niha yasaya hilbijartine û ji bo nemana sedema giriftan, divê yasaya hilbijartinê bi awayekî bê guhertin ku encamên wê derbirê daxwaza rastîn û dadperweraneya hemû pêkhatan be.”
Di derbarê daxwazîyên li ser guherîna destûrê de, Serok Barzanî dibêje: “Bi raya min, nabe guherîna destûrê bê sepandin yan bi zorê bê û di heman deman de jî nabe guherîna destûr bibe sedema paşvekêşana ji prensîpên demokrasîyê û her wiha paşvekêşana ji mafên gelê Kurd û pêkhatên din. Bi piştrastîyê ve jî sîstema demokrasî zêdetir di berjewendîya xelkê Iraqê de ye neku dîktatorî û hemû guhertinek jî pêwîst e li çarçêweya yasa û mekanîzmên destûrê da be.”
Çavkanî: K24